اكتشفت بالصدفة أن مجانين بيت لحم ممنوعة في
عمان.
كنت أمس في معرض الكتاب في عمان، وسألت عن
رواية مجانين بيت لحم لأسامة العيسة الصادرة عن دار نوفل.
ومن دار إلى دار، أرشدوني إلى دار الأهلية،
وفهمت أن إصدارات دار نوفل ودور نشر أخرى موجودة في جناح الأهلية.
سألت صبية تبيع الكتب: مجانين بيت لحم هون؟
قالت لي لا.
أدرت ظهري وغادرت، لتناديني الصبية من بعيد،
عدت إليها، سألتني: وين رايح؟
استغربت: قلتيلي مش موجودة الرواية هون شو
وين رايح؟
قالت: استنى شوي، وبدأت تفتش على الطاولة
وبين الرفوف حتى وصلنا إلى زاوية الجناح، ثم ماذا؟
ثم أشارت لشخص بعيد، مد يده تحت طاولة بعيدة
وجاء بالمجانين.
أوووه هيها موجودة، قلت أنا، وأضفت أثناء
الذهاب لطاولة الحساب: بس ليه مش عارضينها على الرفوف؟
قالت لي البائعة: ممنوع.
توقفت عن المشي إلى طاولة الحساب وبدأت أشرح
للموظفة: لا مجانين بيت لحم مش ممنوعة، الممنوعة رواية أخرى لأسامة إسمها الانجيل
المنحول لزانية المعبد.
قالت لي: امبلا مجانين بيت لحم كمان ممنوعة
من زمان.
أعدت الشرح تحسبا لحدوث لبس، قاطعتني
الموظفة: بقلك مجانين بيت لحم ممنوعة من العرض من زمان مش من اليوم.
أوبا، كيف ممنوعة؟ أول مرة أعرف أنها
ممنوعة، انتي متأكدة من هالحكي؟ ليه ما حدا أعلن انها ممنوعة؟ ومن زمان؟
وصلنا إلى طاولة الحساب، وتحدث موظفون
آخرون: ممنوعة من العرض من زمان وما بنعرف السبب.
#مجانين_بيت_لحم
#عميد_شحادة
#معرض_عمّان_الدولي_للكتاب
ليست هناك تعليقات:
إرسال تعليق